EMANG

                       Sajal kumar Debbarma

Horo thophuro nukmani emang.

Bwswk kubui ungno saimaya kebo sapang.

Thoyaoibo chwng nogo emang.

Bwswk joratwi kubui khwlai manno

Bonobo  saimanya kebo sapang.

Ani kokkhe haise…..

Boh emangno chwng noknani nang?

Saktharwi samong khwlai manyakhe

Khwlai manya chwng emangno mukthang.

Haikhe emang nogwi chwng tamole man?

Phiyaba sajak tongo…….

Emang kwrwi borokni langma

Thaini mung kwrwi himwi thangma hai

Himang himang yakung chawoibo

Sogwima thai kwrwi borokni langmao.

Borok ungwi achai phaikhe

Emang noknani nango,

Muchungma tai chaitokma tongna nango.

Haikhese emang nokmani bwthai mannai.

Ahpuru nwng khakwlap Phehelwi,

Kungthai kuchukhe,khorok kuchukhe

Hayungno chirikgwi saoi mannai

Thuyaoi ang nokmani emang,

Swnamwi mankha kubuino mukthang.

             ‐‐——————-