Ruwaisugui || Koklop || Jeshmi kalai

Sarik sal haikhe nwng kwlang thango Kha ruwaisaoi

Nasingmang khapang ruwaisugwi

Siping kolsani thokswk nuknabo nono nuaiswk

Nokhani athukiri bwlwngo nono rutukmang

Nukmari kochom langui

Khachuk nwng ani mokoloya khapango se

Mol le molno tonganw jora se swlaijaganw

Khapang nwng ta swlaijakdi

Bolong hakwra huk chajagwi haping chawanw

Keboni naithok kokthaini khugo nwng kaslewanw

Yaksi yagra sumsokni boyar sipmani jora

Naidi nwng a haparo ta kwraidi phiya

Khapang ani kwlwisaoi phaio

Nono wansukmang holongthai chasugwi

Kha saya de mokjak mari no nugwi

Swngmungni phirokmung nasingmang hor ani aisugui

Kubui de, nwngba nuktwtwi nasikliya ano

Khuk perwi manya khakamung riwanw nono

Kubui chajakma chaya hinkhe hamjakma jorilangthun

Baithang kubuni wngwibo o khapang nini no tongthun.