SABONI BAHAIMAN || Koklop || Papiya Debbarma

Mwtairokno swngdi
Saboni bagwi bini thani san
Nobar no swngdi
Sabo ni mungwi hama na
Watwi no swngdi
Saboni bagwi watwi waphuru kap
Horno swngdi
Saboni bagwi hor chwngma nugwi bwkha kham
Hano swngdi
Sabo bai kwnwi o ha saka himna chongmani
Nokhano swngdi
Sabo bai nokha tola tongna muchungjak
Twimano swngdi
Sabo bai twima basuna hin
Bwkhano swngdi
Sabono muituman saichung achuk tongphuru
Mokolno swngdi
Saboni mangpili phiyojak mokol bai nuk
Bukungno swngdi
Saboni bahai man?