Nini Goron || Koklop || Tandrali Debbarma

Aichugo nukjaknai aitorma athukiri,

Boba tamoswk nokhano mwchangri.

Nokhani kwchwng aitorma athukiri haino,

Aswk khe chwngsajak nini goronbo.

Nini sahaile tamoswk motom wngkha

Aichugo barnai khumtoya bubar hai,

Nini aswk naithok chwngsasa goron nugui,

Nini aswk motomlwlwk sahai manwi,

Sabose nono khaphurya tongnai

Aswk khe mwchangjak nini goron.

Nini kok samale twi hai khorang kwchang,

Nini mwnwimale talni pohor hai kormolwlwk,

Nugui nini omono bwkhaose khakchangma phaio

Aswk khe naithokjak nini goron.