Bigrani Khatungma Boyar || Koklop || Asha Mani Jamatia

Bisi kwcham thangwi bisi kwtal phaio   

    Jorani pherbai mol swlaijago                   

    Salno rwktharwi haba nongkhoro

    Haiphano jorani swkwile malwino tongo,

    Bigrani  samung thakmung kwrwi

    Swrapsa lenglana jora kwrwi

    Dasa damra hilikna kwrwi

    Hao kwlaibo nokhani watwi,

    Salsa tangwibo ajina biyal

    Salsni tangwibo rondokni biyal

    Takhuk tongwibo takhukni biyal

    Bukhuk tongwibo bukhukni biyal,

    Wansukma khapangni imang   

    Satungni sakolom mankhe bwswksi

    khaswrang                                                                       

    Khorokni poja rujuibo hailalang

    Haiphano khapang mogu mwlang

    mwlang,

    Bigrani boyaro gwdalwi phaijamani

    Bo hachugo sogwino tini

    Langani poja kengaima swbale sinani

    Hama soksukya khorang swbale

    yachak nani,

    Tomungno talphang wng mankhwlai

    Angbo wng khamu salsa kwplai

    Tomungno wakwrani phan makhwlai

    Angbo himwi mankhamu yapri thansa

    khwlai,

    Bigrani bagwisi biyal wngo

    Khangrani bagwi twma wngno

    Swngcharni halok boro sogwino

    Paithago mwranwi de thanlangno,

    Khakwlai khano rabwi narwkna aswk

    kwlaiya

    Khakwlai khano holong swnamna aswk     kwlaiya…