Habwi phaikha ah tal watwi wamani basal
Nok burum burumno muya chalaimani behal.
Bumarok thanglaio bwsa kwlwino wayingo mokholwi
Muya phainani khorogo langa horlaiwi.
Bolongo muya naitukte naitukte bwsano muitu mante
No-go muthui kabujak bwsa, samo Kwrwi waying khilinai khoroksa.
Busu kirigwi kolomtwi chorowi manjajakha phaisa muya!
Topha-no teibose muchungo phainani nogole muchungya thangnani.
Hapung hapung muya naituklaiwi kiphillaio dibor khegwi.
Satung kwpwrapmao khorogo langa horlaiwi
Thanglaio muya phalnani bagwi.
Lama kinaro muya beraui naisinglaijao bwchawi,
Malkhung bwthagwi aina bisingtwi swnghoro nini o muya bwswk hwnwi?
Khorok bomwi khuk kwlwitwtwi sajao rangdokchise hinwi.
Topha-nose sai kwlangjago belai morok hwnwi!
Paithago sanmatwi manliyaphano phal kwlangjao kichisa rangbaino
Haduk botok himwi thanglaijao mokolni mwktwi sokortwtwi,
Baithang kwpalno khahamya wngwi, phainai salno kaham wansuklaiwi
Tonglaijao tobo tongthoklaiwi hamjaklaimungni bisingtwi.
Views Today : 58
Views Last 7 days : 351
Total views : 28130
Belaino nangmani kokthai
Belai nangkuk mani koklob …thaisa thaisa kokthai rok belai nangkuk mani .kha khaio thinamgo teibo kaham khai swimn thun hinwi .
Tiprasarokni jwngjal o koklopni bisingtwi saui mano 🥺
Belaino nangmani kokthai