Tongradi Teisa || Koklop || Lordjen Deb Barma.

Ta thangradikhu,
Ani tikani khumse kiyokyakhu.
Ta thangradikhu,
Bwkhani kokno nono sawise manyakhu.

Ta thangradikhu,
Watwi ni loge kothorse kwlai tongkho
Ta thangradikhu,
Nobar kotor teibose sipsawi phaikho.

Ta thangradikhu,
Aichuk jorani toklase koichikyakhu.
Ta thangradikhu,
Aichuk jorani imango swmaise thanglaiyakhu.

Ta thangradikhu,
Lukuni khugo chini swmaini kokse sajakyakhu.
Ta thangradikhu,
Lukuni khugo teibose hamya sajakna tongkhu.

Ta thangradikhu,
Ama nuklangma imang mwkthangse wngyakhu
Ta thangradikhu,
Kwnwi khathansa wngwi,
imangno mwkthang khwlaina nangkhu.