HACHWK CHOLONG || Koklop || Papiya Debbarma

Hachwk cholongo kanani
Ani kha thoknjak
Chibuk sindwrai lamao kwswngjak
Thang sokgwina kwlaya
Lama kwswngjak bolong budukrok
Mwnaksajak hachwk cholong ni lam
Kwbang borok no phaithangkha
Kwsai manlangya o hachwk cholongo
Nasik nukhorya chukmani
Kwlaio bwchao kwlaio
Kha baithango ani
Tai waisa kanani kha chongo
Naina muchungma thangna muchungma
O hachwk cholongno
Bwkha baijak ani
Phiya bini naithokmung
Khano phan rio
Tai kisa hinwi.