Thansa || Koklop || Killian Debbarma

Hindu Muslim Christian Buddha
Swng jotono kaisa
Swng jotono thansa

Rangchak hayungni twimabai twisa
Yaksi yagwra kochok tongnaisa
Malainai joto waisa

Bedekbai bosok kaklaide manba
Bwlaibai bubar walaide manba
Yaphangse bini kaisa

Bukur bwchwlwi swrap tongyabo
Bahanno chaoi khipna hinwibo
Bwthaise bole kaisa

Sabokhe nogni sabokhe buini
Swng jotono thansa
Swng jotono tiprasa