PAITHAK LANGMA by Kashmir Debbarma || Kokborok Koklop

Ang Sio—
Bwskango ang nuhorwi tongo
Ani thani tongmarok bebak kwmanai
Salsa Ang Komornai.

Talikha-ni swimario
Swikong swibwtwi-ni mario
Swijak laikwrang bwkango
Swijak omorni paithak koklam
Tongthok, chathok, mwnwijak mwkhang
Puitu, imang, kha rima, Hamjakma
Ani dolma dolsa tai nukhungni mailuma
Oborok Komornai salsa tongma.

Tai paithago paisukya kothoma
Hayungni hamjakma, tai khilima
Kirima, kha yokma, kha baima
Ani tekto, birman kwbangma
Komornai salsaya Salsa langma
Siya omode paithak ani langma !

Paithakni nairwkmung
Jaduni khiliui kok kwcharbo
Angle thanganu saichung.
Mwnwilangkha phan tongsak
Hayung bai motom sulaiwi
Norok bai hadwlwio thwngwi
Tabukle jora sokphaikha ani
Norok bai halok kaklainani.

Coffin bisingo—
Muktwrwi kumun mansithung,
Jaduni tangsa khilima khwnakhai
Ani rangchak jadu-yana bile
Bo hinkhele, muktwrwi-ni sichai
Mwkhang kwlwio khopsa
Riwi kwlangkhamu motom kisa.