Walungni wa By Tarit Debbarma

Hugo thangkwlai Walung muya sikla chajak.
Wansugui nasik naikhai Chini langmao belai nangjak.
Langa khuturu chekhok khokpai,
Hukbai kurungwi mukumu narakthai.
Yakhung kupulung mai lamjak
Tokma sa gwnang ongkhorwi chajak.
Yago wakolok kongsa twiwi,
Chuchubai chwchwi achugwi rwkjak.
Aphani yagobo wa raja wathwi
Gairingni dangdal khatona bagwi.

Gundak gwnang mai chogwi, Maichwlam Saio, Chango bailing tonwi ama mai khwio.
Yong kotosong phaijao homchang twiwi Langabai ura kupulung khorogo horwi,
Bwrwichwk burano nainani bagwi.
Achaiphuruni simi kailai borlai kwrwngwi
Tei paithakni sal mwnakmanobo twiwi
Samung phwnago o dalniwa tei wathwi.