KHANI NAITHOKTI By Kilian Debbarma

Rigwnai kanwi chamatwi twi’sa
Khajuo surang kongsa

Risabo sorwi kwchak palisa
Mwkhango warik thopsa

Naiwibo naithok ani khashuksa Gana khum-moso chopsha

Khunjo thaikwlai bailik maresa
Kotok kanthibai khopsa

Chokhereng choknai rangchak mwswisha Nini naithokbai baksa

Wakwtwi phunuk imang wanaisa
Yaktwkle tangwi bukcha

Phultirwi bole kwpalo thopsa
Sabono mowni rinaisa ?