HUK CHINI HUKUMO MUKUMO By Twiphangti Debbarma

Chuchu bura chuchuisong
Tilok twijak kichingsong
Chalai kaisa kichingsong
Langa twijak maresong,
Phaidi bayasong phaidi
Phaidi maresong phaidi
Hukgo thanglai nai phaidi,
Lama lam himtwtwi
Koksalai thangtwtwi
Huk haba tangtwtwi
Jadu kolija rwchaplaintwtwi
Hukbar mwchangsai phaio
Khapang swrangsai phaio,
Khwrangsajak hukni mai kaijakbai
Hukni motomni bahaibai
Boyar rwchapsai phaio
Khapangni borokno muito man phaio,
Hukni Kwcharo gairingbai
Nukha bai mwchangjak chini hukumo
Naithokjak chini Tiprasarokni mukumo,
Twijak langabai twijak risa bai
Mwchang riwi tubujak chini mukumo,
Choitor huk sokya khe waringsa khamya Boisak mai kaiya khe mai bahan khaya
Hukni maitang mai raksa khe
Lebang birsawi toksi birsawi
Hukni maitang chalai nai phaio
Lebangsa no nukgwi hukni borokrok
Lebang romlai na phaio ,
Huk haba khai baikhe
Chalai kaisa Kami kaisa
Mami Mai chalaiwi mamita mwsailaio
Kichingsong tongthokjak laio
Kamichang mwchangsai phaio.