Luku Hukumu by David Debbarma

Salni pohor hapung hathai-o pirsa-o,
Da-mara bi hukumu chokjago;
Ani mokol phiyokna swkang no,
Hukumu ani bagwi lama swnam sogo.

Maa ni khili-mao khunajago,
Buphani yapri mario nukjago,
Nuk-go bolong kuthuk ni wathwi tei wasur o,
Khuna-o sù-mui ni khorang bi rwchapmung-o,
Khamb kotor ‘dong-dong’ khe pung mani khorang-o,
Tei risa ni bwthai naithok khe saijak o,
Ang luku Hukumu nugo.

Hojagiri o bisma naithok khe kolmani,
Phanthok berma bwtwi o banta motom khe rw mani,
Bangwi bi wahan mosodeng kothok khe chamani,
Laiphang gudok o yokna bagwi moso bwlati rwmani,
Mailuma tei khuluma noh hambai rwi ‘Maimita’ mwsa mani,
Kuthang kok chini hukumu ni.

Haidi salai nai chini kok, tong-sak kokborok,
Rwnai chwng jotono kisa-kisa,
Chini luku hukumu no twlangnai nokha-o tisai kaisa.