O Tripura Haa, Tiprasani Haa By Pitor Debbarma

O Takhuk, O Bukhuk
O Tiprasa, O Tiprasa
O Tripura Haani bwsa

Nwng saida man?
Twimani kochogwi haiching phaima bai
kochok ta thang di,
Haiching wngwi phainairokbai .
O Tiprasa, Tripura Haani bwsa.
O Tripura Haa, Tiprasani Haa

Nwng saida man?
Nokha Gurungwi, Haa Bisingni mikhumu
Peplai phaima hai
Bufuru khwna sinai norokni Bwkhani
Ongkhorwi phaima chirikjak rangchakni khorang
O Tripura Haa, Tiprasani Haa

Nwng saida man?
Manthai, Sokthai Kwrwi
Nono Mannani tei bwswk tuk kho, O Haa
Haano laiwi mungsa kwrwi
O Tripura Haa, Tiprasani Haa