Rangchak Tripura By Sharmila Debbarma

​Achaiwi, nukkha ang
Chini Tripura hano
Hapung hathai buphang waphang bai
Chini achai ha bwswkse naithok,
Bini khurio khorok, tonwi
Bwswkse tongthok kha khapang
Bini hukni mai-twi bai-no
Kwthang tongjao ang
Batwlwng khumbai kupulwng o ha
Siyari lob lob,
Yang ayang naisigwi naibo
Kwkhwrango twi khereng chok chok
Khumtoya bubar khumali bubar
Mwchangriwi, tisakha amani mwkhang
Ani Tripura aswkno naithogo
Amoswk naithok, kwrwi tai kebo.
Ani rangchak Tripura ha
Pogwi manya, chwng amano
Achawi nukkha ang
Chini Tripura hano.