Bolong kwkhwrang By Abel Debbarma

Bolong kwkhwrang mwchangwi tongkha,
Hatal,hapung tei twima twisa bai;
Bwlai kwtalrok rotoma jora
Logi riphayo toksa toktwini khorang.

Chuchu bai achwi daba tei-
Yago twitilok kaisa logio tuyui,
Lam rilayo-
Huk kwtalo mai kaina bagwi.
Hugo mai kaitw-twi
Ayang hapung bai yang Chapung
Naharlayui jadu kolija rwchablayo
Abo haikheno teibo mwchangwi phayo
Bolong kwtal khwrangsaoi.