Naithok khum Bubar By Jumi Debbarma

Bahai jip jip motom sip sip
Hapung thaisini Twibuk buksini
Kobolwi tonio mwchangrwi tonio
O jadu nwngba tamoswk motom,
O jadu nwngba tamoswk naithok.
Nini o naithok twilwlwk goronno nugwi
Saboba khaswrangya tongno.
Kwchak koromo kuphur dalbidalni bahaino manwi
Saboba kobor chaya tongno,
Phiya jorani pherno wansukgwi khao kirima
Bebak imangni yakhwrai budukde keplelangno.