Raima by Saima ni Kothoma By Amit Debbarma

Tal pilala nokha tini
Kerang kothoma thaisa nana-chuchu by sai kwlang jak mani
Sawui khwna rwnw, Raima by Saima ni

Khoroknwi sal fai khe no tangna thanglai jao
Satung, watwi manjagw tonglaio gairing kichik kwplao no

Salsa tangwi tongma jora
Watwi, nokbar mar khe sib sa ka
Afuru Raima bahanok no kisi kwchang-kwlwi jak ma nugui
Raima saka- “Borok, Chibuk, Muisle, Toksa, Burasa —
Je gairing tang rwnai bono no ang le sai chong nai”

Taini salo borok ni gairing naithok ke tang re jak nugui lai kha
Raima bini kok no naragwi, Muisle no sai hin nakha
Bufa ochai ulo o kok rok Saima ni khuk twi sai mankha
Raima siya sini, khorok tanwi phobwi rwi kha

Khorok phobma jagao, Khumpui bubar barwi tong kha
Raima o khum no nawui, “Dongowui ano le nafai si di ba” hinwi rwchab kha
Ulo twi kisa-kisa khe kasawui, Raima no twlang thang ka
Saima no sai kwlang kha, Lama lam sini, bedek dek sini, birifang saka kasawui—
“Eng eng kukai, raja bihik wng maya khe ang nu bwrwiya” wngthung hwnwi chokha lobwi tong twtwi hin tong di hwnwi
Tabuk bo Dongor ni twi le bibi-bahanok no muitu khwlai o