ACHAIMA CHINI HUKUMU By Meher Laxmi Jamatia

Ha-bisingo achai mani chini kothoma,
Hapung, hathai, tei twima-twisa
Wngkha chini sinimung.

Satungni pohor kwchwng peplai phaikhe,
Puila hachukgo kwlai phaid.
Chini hukumu-mukumu nokbar bai baksa
Kobonwi tongdo.

Khorang kwtui sumui pungmani khwnakhe,
Joto dophani pholarok munwi laid.

Twimao twi simi kochokya,
Bini loge chini laibumabo kochokgwi thangdo.

Baba garia ni hamari wngkha tongthokni mari,
Phurunggo ker puja tei mamita hamjakmungni tongkhor.

Chungi kok samani kokthal kokrw bai gwnang,
Kokni mwng wngkha kokborok
Joto kokthaid tongdo kwtwi kokthani mari.

Risa ni rong, rignai ni bumul wngkha,
Agini borokrokni mukumu tei chini hukumu.

Hayung jeswk bwskang agokgwi thangthung,
Chini hukumu-mukumu no pokgwi mnya.

Phaibaidi, joto tini baksa khwlai swmai tanglai wanwi,
Chini dophani hukumu-mukumu kusungkusung pirjagwi tongthung.
Chini hukumu ~~~~~ chini sinimung.