Huk- habar By Susmita Tripura

           O kiching song jora tong sini,
                  Bolong hakwra naitugwi,
                   Huk hoknani chenglaidi.
Huk hokmani yagulo phaidi kiching song phaidi
     Horkhong tubwgwi ,huk hor rwnani phaidi.
       Yago daborok twiwi, chango risa khagoi,
       Ara rwknani phaidi kiching song phaidi.
               O mare song o kiching song
       Choitro thangkha boisak phaikha,
             Mai kainani jora phaikha.
      Sal kaham hor kaham naipaikhwlai,
           Maichwlwi khwchwlwi thumwi,
       Chango kasleng,yago damra twiwi,
       O mare song mai kainani chenglaidi.