Luku Hukumu tei Huk Habar By Reshmita Reang

Sirisitini jorani simi gwtalwi phaima
Chini borok dopharok ni huk
Hukumu mukumu rwchapmung mwsamung
Hayung bai gwdalwi mwchanjak
Khapang swrangwi bacha sai phaiyo
Jora bai baksa gwdalna bagwi
Langa tei daborok yago twiwi
Nongkhor thanglaiyo bolong bwkhakgo
Mai, Khul, siping dalkwbang mwikwthwng rok
Huk bai mwchangwi tongo
Huk ni kwcharo naithotnok gairing
Naithokma bara wngo
Bwsa bwtui sukba sakba
Bora rachi bosong khobwi
Huk bai mwchang rina bagwi
Ea..hu…hu….rwchap laiyo
Kolomtwi thwi charimani yagulo
Bwthai kaham mano
Badro tei ashin talo
Tongthokmwng bai mai kwtal chalaio