KONGRAI || Sandhyaram Debbarma

Maisingni siyari klaimani bagwi
Nokhao nukjakliya chumui,
Salkabai bwkhago sal kasai phaibo
Manliya salni mwkhang nugui.

Bukung kuphungwi kongrai manjakkha
Siyari klaimani bagwi,
Silsini silwibo silwi kul pailiya
Choroima bukungni kungtwi.

Tongtwtwi chatwtwi tongkhrai kwrwikha
Bukung kuphungma bagwi,
Twi kutung nwngwibo, cha kutung nwngwibo Manliya kongraino hamrwi.

Twma bithino chaui, twma bithino nwngwi
Hamsinai bukungni kongrai,
Bukung kuphungma tektono manliya soiwi
Buphuru wngsinai kung srai-srai.