JORA GOTHOKGWIMANO || Koklop || Pradip Rupini

Bisi ba talni chongmari sal.

Lama kuplung twimukni mari

yasi kongsani thwi lama twiyari  yortwi.

Tini kwlaijak hao yapri kharjak khorang yapaini mari thwio.

Naiwi nohorya saboni mwkhang phiya kwlaijak yasi kongsa yasku chongmari mari siljak .

Majra saboni tini ?

Tanwi saboba kwlang yasi kongsano chayaba tamo bini.

Jephuru Chongwino tongo yasi tongbla bobo jotobai baksa logi.

Phiya kwlaijak lamao thwibai kuplung tamoni bagwi tini.

Haoda kwlwkha nokhada chakha kwmajak bwsak naitukgwi maya yasi kongsani mang.

Na koktwma thumnai chungle,na kokkholnai chungle.

Tongkosong tongnai chakosong chanai sakni hani borog.

Swngna mwchungma obono chini “Yorjak lama kuplung thwi kwlaijak yasi kongsa abo saboni” .

Tongthai thansa kokthai kaisa chama mwiborok chamung baksa.

Ur patijak da, seng twilaijak chobasi nangtwi nangtwi.

Sakni borog hinwi tobo wanswkgwi thangjakha angle mwthakda mano takle.

Phiya romwisi bomung swngkha wainwi bohokgo bokha phungnwi.

Lengwi kwlaikha hao khasiya wngthangkha khao rijakkha lathabai teibo sakgo.

Kwlwikha joto bwsak khwrwkjak bebak bekreng talka phatijak.

Phiya saimankha majra tamo.

Achomsa sisai dodro bachai.

Tanwi khibikha Da-borog khochai. Chongmari mari siljak yasi kongsano sursai.