KUMUI BOGLA || Koklop || Sandhyaram Debbarma

Chini kamini kumui bogla
Tongtwtwi chatwtwi ula-ula,
Salbrum nwngo chuak gola-gola
Tabuk khe thwina simi pala.

Kichik kupla bini nok bera
Ha kaya kaya kok sama bara,
Chuak nwngtikhe kok kora-kora
Pangrongrok bai sao kok kara.

Didak-midak bwsak ninangjak
Ketaio chuak botol salbrumno khebjak,
Jadu kolija kholwi rwchapjak
Duti phanchlaio haduli buljak.

Bwsak bini uaphisa khajak
Salbrum brum nungmani chuak,
Thwina muchungbo thwimanya wngjak
Cancer bemar bai tabuk manjakjak