MAYA || Koklop || Dhanuram Tripura

Birgwi rohor kha ano,’’

Naiswk bailiya ano khe bo,

Twisa twi thangma hai khe.

Sarik jorao toksa tokni nok kwrwi,

Haino ani bo nokthai rok kwrwi .

Maya mana muchongo’’

Maya khwlainai kwrwi,

Tokma rok sarik jorao khe

Busa bwtwi rogno naitok laio,

Abo haikhe naitoknai tong khe ani bo.

Bui haikhe rang-puicha sanjakya,

Maya simi se mana muchongo.

Toksa tok rog phanu busa bwtwi rokno

Salthang khe rihor laio

Tamo chaya khwlaimatong,

Aswkno maya khwlai bai liya.

Buikhe sabo ? ang khe Sabo ?

Aswk ano muito khwlai bailiya,

Ano khe yatak yak mano

Hinwi de maya khwlailiya.

Ano phirang khokma, haikhe no

Ani bwkha no sobai ribai kha .

Ta sini baise de ano’’

Sabo ang norokni?

Ano maya khwlaina ba.

Salsa jora phai wano,

Aphuro norok maya ma khwlai wano.