TIPRASA By Bharat Debbarma

Oh Tiprasa Oh Tiprasa,
Tipra Hani Chung Busa,,
Kanmung-Chunmung Chini Rignai-Risa,
Tipra Hani Chung Tiprasa,,
Rwchapmung Chini Rwchapmung Borok,
Chung Sao Kokborok,,
Huk Chini Laibuma,
Sirisitini Simi Chawi Phaima,,
Tabukbo Khao Muito Tongkho_
Jadu-Kolija Rwchaplaima,,,
Bisi Kwtal No Lamsogo Tiring Ter Bai,
Garia Ter No Palaio Kami Kami Thanglai,,
Sikla-Siklirog Tongthogwi Mwsalaio,
Oh Jorao Khapang kha Tongthogwi Phaio,,
Huk Ni Mai Kumun Rawi Tisao,
Sal Kaham Naiwi Mamita Ter Palaio,,
Kerang Kothoma Tabukbo Sajagwi Tongo,
Chethuwang,Khelong-Bubar,Nawi_
Raima-Saima Tabukbo Kwthang Tongo,,
Ra-charchibrwi(184) Bubagra Ee Hano Naikolma,
Nuyungma,Twijilikma Swnamwi Kwlangma,,
Naithothok Tipra Hao,
Thansa Wngbaisithong Tiprasa Rog_
Ama Tipraswarino Khulumjao.