Rangchakni borom || Suprachita Debbarma

Seklaijak tabuk rangchakni borom,

Khikwlaina nailaiya kolomtwi twichorom!

Baksakhe sanno gwnangni borom,

Baksakhe  sanno kwrwngni borom,

Baksakhe sanno naithokni borom,

Baksakhe sanno hamjakmani borom,

Baksakhe  sanno phanni borom,

Paithago naio  rangchakni borom.

Kwrwile manjaya mwngsabo borom!

Tongjao okhrombui  mokol twichorom.

Machaya malenaya  samung salburum,

Kwlaijao  sakni kolomtwi twichorom.

Salburum burum nailaio borom,

Sabo tongnai kwrwini yakrom!

Madeiman nwng twimao ahrom,

Unguide manno  twimahai goron!

Phaimale phainai twimaboh twichorom,

 Riwoide manno  bono borom!

Phanuile nailaio Risa salburum,

Riwoide  mankha  bono borom!

Saltungkhe watwi, watwiphuru maising

Swlaina nailaio nobarni goron,

Sakni chamatwi nailaio borom,

Riwoide mankha  hodano borom!