KOK NI RAIDA || KOKLOP || LAISA DEBBARMA

Mantwi manyatwi
Khwlai-te khwlai-te khorang,
Wngwi thango kokthai.
Thaisa thainwi
Sa-te sa-te o kokthai,
Chaoi thango kokbwtang.
Chatwi chayatwi
Pepwlama khorang,
Mangwlak kokthai ni mang. Gothok-twi gothokya-twi
Tongkhor thiti kwrwi khe, Rijakgwlak koktang ni bumakhang.
Sinimung man-na bini,
Kwlai hinjakya sagni.
Khani khatijak buchu,
Kheng Rima no kok.
Kaisa no te kaisa,
Sai rima bo kok.
Aro waisa oro waisa khugo achukgwi,
Berai o bole khapang khulokgwi.
Khapang chanaiya,
Nini ani bo hinya.
Phiya Sina nangnai sanairog,
Langka Sana-ya kok-rog.
Jephuru sabo,
Kok kwtwi sadi.
Birman kwpal rujui tongphuru,
Phan rioi khakchangma ridi.