Chapjakya Bosong || Koklop || Barendra Tripura

Chapjakya Bosong ~ Barendra Tripura

Chabjakya bosong chabjak langliya do

Buphru chabjak langno.

Chabna naibo chabjakya rokle

Buphru sibai langno.

184 thang bai kha thwibai oi

Borok ni bwsarok phakha munwi oi.

Takhuk bai takhuk koklai ni nangha

Hapong gwnangwi bwswk thwinang kha.

Bwini basa rok khaibo chukili sugo

Chung khai ba thwilai tongo.

Twisa ha kepek twi romu jakya

Nwngwi bo totura laiya.

Takhuk bukhuk rok chabjakliya

Bwkha rok tong thokliya.

Agi ni borok khasiya ungkha

Chung khaibo birman nangkha.

Thokaijak male belai bangkha

Tabuk khasina nangkha.

Harung kumakha

Tabuk hatung sek tong kho.

Tebosi sanwi tongkho

Asukna oi bose sanwi se tongkho.

Tripura hani Gomati twima

Sana Raima bai Saima.

Gomati twima bathe oi rikha

Chini Dopha rok aro kuluk kha.

Jampwi satung phang Athromura

Naioi naibaiya tong thokma bara.

Taile siliya ha Ama soiliya

Chini Tripura hano.

Narukna nang nai chini achaima hano

Phanbaksa wnglai di.

Himdi joto bwskang agogwi

Romdi seng choba ni bagwi.

Joto mili oi khainai choba na

Phunuk rinai bwini bwsano.

Kirina kwrwi hasana thangma,

Lachina kwrwi manthaino sanma,

Abi se chini langma.

Chini nangma le Tipra landse

Bono karwile bebak arengse.

Lama lampra buphang bopura

Kebo lamkoroi tongna.

Tipra land ni bana tisana

Kebo takhai di mana.

Tipra land bisingtwi joto himlai nai

Chabjakya bosong chabjak laisinai.