ANI THINANG || KOKLOP || Sandhyaram Debbarma

✍️ Sandhyaram Debbarma

Boro sogwino ani o thinang
Uansogwi uanao ani o khapang,
Yaksi yagra naisigwi ang
Chao bwkhao amang-chimang.
Baithang imangno supungna thangthani
Tai tamonoba malaina tongkho jani?
Baithangni thinangno songchana thangthani
Tai tamoba ma wngno saimanya tini.
O imang buphuru wngsinai mukthang
O thinang buphuru wngsinai baithang.
Uansuksini uansugwi kulpaya khapang
Uanaui wngo ang kwmang kwthang