Chini Sajwk Bwrwi || Suban Kr. Debbarma

Chini Nukhung ni Sajwk,
tei Kaisa Nukhungo Mathango Hamjwk,
Ma Pha Bai Chalwi Sak Chalai Yakarwi,
Hamjwk Mathango Nokni Ongkhorwi,
Chini Sajwk Brwi !

Muktwi Sokorwi Swlwkma Chaoi Kabui,
Chalwi Mathang Jao Achaima Kami Bai Kagwi,
Chini Sajwk Brwi !

Buini Nukhungo Hamjwk Thang phru,
Borok Siniya Bwkha Bujiya,
Kokno Sarakya,
Khao Lachima Paiya ,
Chini Sajwk Brwi !

Kwbak Kwbakgwi Kokno Kucharwi ,
Sajao Buchu Bai Buchui,
Busai ni Nukhungo Hamjwk Thangma Ba ,
Buprangjwk Buprang Rokbai Hunjakgwi Jawano Bachwi,
Oh Ani Angswk Brwi !

Buma Kaptwtwi Phwrwng Jao ,
Nokni Haike Aro Ta Tongdi ,
Aichwk Bachaoi Mai Mui rok Songdi,
Nukrajwk Nukra ni Kokno Ta Bardi
Do Sajwkma
Bui Kok Thainui Sathani Nung Kok Thaisa Saoi Tongwi Jadi Do Sajwk !

Busajwk Kaptwtwi Sajao,
Ama Nung Se Sal Tal Phunuknai
Siyano Sirinai ,
Nini Kokno Boro Barnai,
Je Nung Satwi no Khlaiyano Ama !

Kaisa Nukhung Bai Tei Kaisa Nukhung No Manju Rio,
Gusti Bongso Bo Bangrio,
Chini Sajwk Brwi !