Isri naithokti || Rithish Tripura || Koklop

Aichukni imango jadu nwng phaio
Kunwi song mai chao,
Tolani buwa kago.
Wansuktwi ongya gothoktwi ongo
Aisiri siri tokha tok pungo,
Yaksini mokol phorsai tongo
Achomsa koktwma mano.
Bolong makhra thansa ongbaikha
Wathwi wa tanwi swiwi tonbaikha,
Kitingwi choba nanglaina phaikha.
Tabukle pailiya naithokti
Choba chwng chenaikha!
Sir kwrwi kokthai tasadi bubagra
Chobao ang thangnai
Choba ang paiwi phainai.
Naithokti osa ama ongwi
Bolong mukhrano mechenwi hokha
Chobao kwplai ongkha.