Jaduni Boyar by Santa Debbarma

​Aichugo nukmani imang,
kupulung toksa tokmilini khorang.
​Khapangle sikla chaswlok,
HUk-hatalo Jadukolija rwchapmarok.

​Gairingo ang songdari,
kiphiljak khapang ani.
​Jaduni boyar Swlaikha khapangno,
manhoro tabukbo bolong kwthwngni bahaino.

​Sapuljak kherengbarni bahai logio,
Swlwksai muito manhoro Swraimung manmano.
​HUk-ni thaichumu-dorompai,
gairingo tonijak thaikwthwng bwthai.

​Siklaba Jaduni boyar sipsai kwlango,
tongthokni bisingtwi hamjakma rwchabo.
​Gairing tailamo achugwi nini pohorni phaising,
Jadukolija rwchabwi hamjakma tuno nini kiching.

Maisingni siyari kwbang,
lobjak jaduno khapang.
​phiyaba nukmani imang,
kwrwikha Sakmang.