NINI YAPHANG BORO? By Eliza Debbarma

Borok dopha borok dopha salayo chwng joto
“Haiphano kubun dophani kokno
Saui mankhe si chwng koto”?
O uansukma twino Kwmabaikha joto!

Sakni chamung wngkha Chini bagwi thokya!
Mosdeng Gudok Chakhwi tamoni gothokya?

Huk-habaro, buphang waphang kaiwui
Bwswkse tongthoklaimani
Kailiya buphang tabukle dopha
Khoroksa tei khoroksano mwkhang soklainani

Chuchu kaima bwthai Chale chakha chwng
Phiya nini suknobo kwlangwi de mano nwng?

Sakderia bwrwima, thwilai thanglaimao
Chubakha kami luku hukumu swnamao
Narwkdi phwrwngma nini chakrarokni
Rignai bai risha bai narwkdi borom dophani

Tongthok chathokbai sakni kubui kwmakhe
Nwng tamo manmani kwlai?
Dophao nini kubuino saimankhe
Khibidi Kubun dophani tatal swrwngma bwlai.