Khumbubar by Ratna Devi Tripura

Naithothok Khumbubar Barwi tong gano
Bongbwrai phaiwi bereng phaiya no
Bubar Motomwi ang le tong gano
Motoma Paiwi ang le thang gano
Naithok Chaksisi barwi tong mano
Kholwi twlang jak gano boi bai ano
Ang ba boini yak go da naithok gwi tong no,
Bwini yak go da motomwi tong no,
Jora bai baksa da swlai jak thang no,
Hapung hathai bai Mwchang gwi tong pha no
Nokha Chumwi bai gwdal lwi tong phano
Atomsa bwi bai khulwi twlang jak khe
Boro ba thangwi ang le sukgwi no ……….