HUK-HABAR By Biswajit Debbarma

SIRISITI NI SIMI KHWLAIJAKGWI PHAIYU HUK
CHINI TRIPURA DOPHA NI BOROKROK BAI

HUK NI JORA SAMUNG TANGNA NI JORA
PAILAIYA YAK THAKNA NI KWRWI JORA
HUKNU MWCHANGWI TONG JAO GAIRING
SAMUNG TANGWI LENGLANA BAGWI

BWSWK SI NAITHOK BWSWKSI TONGTHOK
OH RANGCHAK NI JORA ROKLE
GAIRING NU MWCHANRIOI BARWI TONGTIRU
KHUMUNG DALEDAL ROKLE

SATROBANGO KHUMTOYA KHUMCHAK
KHUMSARIK KHUM GUNTHU ROKLE
KHUMNI BAHAI PIRJAKGWI THANGO
HATHAI THAISINI ROGO
KHUMNI BAHAI MANWI PHAIJAO BONGBWRAI LE
MODU NU NWNGNANI BAGWI

NUKBAR KWCHANG SIBWI PHAIYU
YANGU SIKLA SIKLI NI BWKHA UDILA CHAO
APHURU NU SAK NI BOROKNU HAMJAGWI
LOBWI RING TIRU OH ANI JADU KALIJA NULE
HAMJAKMA KWPULWNG KHANI KOKTHAI NU
SALAIYU RWCHAPMUNGNI BISINGTWI

HUKNI JORAO ACHUK TONGYAOI
YAKGU DASA TAMWRA TWYWI PAL BAKSA
PHAN BAKSA SELEYA KARWI TANGNA NI KHAIDI
OH RANGCHAK NI JORA OLE
SELE OI TONGKHE TANGYAOI TONGKHE
TONGWLAK CHANA MAILE