Friday, February 7, 2025

Kuchukni khumbar || Koklop || Sahil Debbarma

- Advertisement -

Kuchuk baryawi hase barkhele

Bwswksi mwchang khamun

Kholwi manliya angle nono

Naisigwi naidi kisa nwng ano.

Muyani bomtok barini phanthok

Tamoswk nwngba aswk naithok

Kholna thang-khebo yak-sokya ani

Kana thang-khebo phansokya ani.

Kuchukgo thangwi bubar nwng barwi

Goron nwng ano phunukgwi

Ta-khwlaisidi kobor nwng ani khano.

Nono naisikma nono naisikma mokol bengswnal chakha

Bwchai ang tongmang bwchai ang tongmang

Yakung-yak ruwai baikha.

Bisi kwtalni nobar phaiphuru

Kwlai phaisidi nwng aphuru

Naisingwi tongno nono ang aphuru.

Nobar phaiterwi bubar kwraiwi hao nwng kwlai thangka

Yago khochaui naisigwi naima babwrai nwng chaui thangka

Thaipung thaimani muchile muchi ani kormode dusi.

Leave a reply

Please enter your comment!
Please enter your name here

LATEST POSTS