Kothoma Chengkha

Kothoma Chengkha ~ Kripasindu Debbarma

Hamjakmani mungbai

Kothoma swina naimani

Wansukmao phaiya

Bahaikhe swkang chengnani !

Swilai kangsa

Tai swikong kongsa yago,

Imangle tongo

Tinile swisinani.

Ulo, twrwk twrwk wansukte wansukte

Kokthaini twisao yakung khukha

Tai thaisa thainwibai chengkha.

Thopsa thopnwi muktwi

Mokolni kwlaitwtwi,

Swiwi tongkha tabuk

I hamjakmungno lobwi. 

Buphuru swibaino i kothoma

Ang siya phiyaba,

Twisani simi chengwi

Twrwk twrwk wansugwi.

Date : 31st March 2025