Kubwi khakchangma mankha ang

Kubwi khakchangma mankha ang ~ Twishri Debbarma

Borok wngwi achai phainairok
Samung paikhe tamoni pogwi thang norok.
Sak Sakno Simi Chana bagwi Nainai
Bwino rimani yagul suriwi nanai.
Khukkhe kwtwi kwtwi bwkhaokhe naidi,
Tokha thaisumuni bisigo tongma pungkhi hai.
Achai phaiwi nogo amabai phwrwngjakmani,
Okwrarokni kokno khwnadi, khwlaidi borok samani.
Ama nini kok khwnawi ang khwlaikha khwnakha Soikha
Phikhwlai angle chayase swnamjakha.
Ang sak baithangno ihi hinna chengkha,
Bwini bwkhano narwkna bagwi I hinwi tamo mankha?
Tabuk ang ano naitukkha
Anono naitugwi angle ano swnamwi mankha,
Nailiya ang tei bwini thukulubjak phatarni goronno.
Tongthok chathokno khatungliya,
Kubwi khakchangma,
Tinile soi soi sini mankhano.