Bolong Ama by Jari Tripura

Nokbar sib sib buphang tolao
Chalaiu thaichuk-thaipong-thaipolok
Nokbar sib sib khaswrangu
Khwrangjijik nugui kha tongthogu.
Khumpui kherengbar khumali
Jib jib bahai motom sarhontimani .
Bubar bai bwthai bai, nung le mwchangtimani
Chanani biyal khwlaiya
Langma kaham biyal khwlaiya
Bemar ongnani ruya
Thangkhe nini oro bui hinu
Bolongni borok siya kunu
Bu bolongni hinui sungu
Nwsa hinjaknani lachijaklaiyu
Nini hamjakma phiiya bujiya hinuinu manu
o bolong, nono kok thaisa sunganu ang
Tamoni hamjak chuno nung
Chungle nono hamjakya
Nini hamjakma nukya
Kunu saya bo siring ongjak
Ta wanadi du bolong
Kok thaisa sawanu ang
Jephuru nung kurui onganu
Aphuru bujiwanu
Busuk kaham khwlaimani nung
Rutugui muktui ma khiklaiyanu.
– Jari Tripura