Nini bai ani sinimungle waisa phuru nise,
Haiphano nwngle wng thangkha ani khachuksa.
Sinilaiwise khachuksa wngo nwngbai,
Siniya hinkhe nwngle wngkhamu ani bagwi bui.
Nini bai ani sinimungle kayakhu talsa,
Haiphano nini bagwi ani bwkhao tongo maya dalsa.
Malaiwise maya nango nini bagwi,
Malaiya hinkhe maya da nangkhamu ba aswk atwi?
Nini bai ani sinimungole tongo kwtharni mari,
Kwtharni mari baise gwdaljak chini o halog,
Sarikni saljwra jorao khum babrai chamani hai
Nini bai ani o halogle babrai chagulak thwiya sakno
Au, abono chini naithothok halogni sinimung.