Bahaikhe sanai || Koklop || Lordjen Debbarma

Yaksi yagra bolong kwkhrang

Mwchang rio toksa tokmili khorang.

Khapang bukcha kok sao saiaung.

Bari khumtoya logi riphaio,

Sakni naithokno bolai phaio.

Bahai khai sanai khani kokno

Sanabo kirio nwngba hamyade chongno.

Sarik jorani nobar kwchango,

Nini khuk kwtwi khorang,

Swrapsa bathakphaio samo.

Imangde mwkthang sawi manrukya!

Khapang kupulung kokbiti nono sarwgwi manya.

Mwktwi kwmao hor kuthugo.

Bahaikhe sanai!

Khani hamjakma nono.