TA RUJUDI SUMSOK

 TA RUJUDI SUMSOK – Jahen Debbarma – Kokborok Koklop

Goron chwngkhiri

Hangar bwkha,

Ta rujudi sumsok pojasa.

Laite-laite wnganw pojaknwi

Hunani bagwi tongwlak pholo.

Kosom wngwi mwnago

Kwlwk thanganw

Sak helengwi bir langanw

Imangsani ayang naro.

Ayuk-mayuk nangriwi

Langma sachujaganw.

Horjwlai jwlai hokini kuao

Kwlwgwi ma tonganw,

Thwisukya langma hama kupjungwi

Bisi kolok laima siya wnganw.

Gwlangsa paphaigwlak

Kudusani-kudiwibo,

Pohor manna muchungbo

Sumsokno hubaiyasak

Wngwlak kipirbo.

Khapang kiyogwi

Barwi motomyakhe,

Chwnama sengo

Kholnai kwrwini,

Paithago hakwrai hani khurio.

Bardi nwng motomdi nwng

Haiphano sumsok ta rujudi,

Sumsok hubaidi.

Aphuru chwnawanw

Gwlangsabo pawanw

Kwtalkhe langma mananw.